Hér er meistaraprófsverkefnið mitt; Námsáhugi fólks

með litla formlega menntun.

Framtíðarhópurinn

Aftur í stjórnmálin

Þann 29. júní 2010 tók ég aftur við embætti bæjarstjóra í Dalvíkurbyggð. J listinn og A listi mynda meirihluta í bæjarstjórninni; eru með 4 fulltrúa af 7.

10. apríl 2013
Föðurland vort hálft er hafið
Ávarp flutt við afhjúpun á minningarsteini vegna þeirra sem fórust 9. apríl 1963.
Lesa meira...

6. október 2012
Samtök sjávarútvegssveitarfélaga
Stofnuð hafa verið Samtök sjávarútvegssveitarfélaga sem eru samtök þeirra sveitarfélaga sem hafa beinna hagsmuna að gæta varðandi nýtingu sjávarauðlindarinnar, veiðar og vinnslu, og er tilgangur samtakanna að vinna að sameiginlegum hagsmunum aðildarsveitarfélaga og íbúa þeirra í þeim málum sem tengjast nýtingu sjávarauðlindarinnar.
Lesa meira...

13. maí 2012
Að gæta hagsmuna almennings
Það er lágmarkskrafa að fólkið sem byggir sjávarútvegsstaðina njóti sama skilnings og aðrir launamenn í landinu þegar kemur að atvinnuöryggi og að orð okkar sem reynum að gæta hagsmuna þess séu ekki afflutt.
Lesa meira...

25. janúar 2012
Hugkvæmni og útsjónasemi ráða þróun í sjávarútvegi
Þeir stjórnendur sem lengst hafa náð í íslenskum sjávarútvegi hafa gert það vegna hugkvæmni og útsjónasemi. Þessi saga sem hér er rakinn er góður vitnisburður um það.
Lesa meira...

29. október 2011
Búið að nýta u.þ.b. helming mögulegra virkjunarkosta
Þegar eru 18 teravattstundir af þessum 36 nýttar þannig að virkjunarkostir sem svara til 18 teravattstunda eru þá það sem verður mögulega til skiptanna.
Lesa meira...

Matarást

Laugardagur 19. apríl 2008

Rabbabarakökur
Sem ábætisréttir og á kaffiborðið

Rabbabarakaka með deigloki

Takið fram eldfast mót. Í það er settur slatti af skornum rabbabara og saman við hann eru hrist einn bolli af blöndu af kartöflumjöli og sykri.

Ofaná er sett eftirfarandi deig:

2 egg

1 dl sykur

1 dl kókósmjöl

2 msk. Hveiti

1 tsk. Lyftiduft

Egg og sykur þeytt saman og hveiti, lyftidufti og kókósmjöli síðan blandað í. Deiginu hellt eða smurt yfir rabbabarann og söxuðum möndlum stráð yfir.

Bakað við 180 - 200´í 30 til 40 mín. Borin fram með ís. Mjög góð líka með síðdegiskaffinu eða á veisluborðið.

Rabbabaradeser með Ritz-kexi

Þessi er sannarlega óvæntur, bæði hráefnið og bragðið. Ótrúlega góður, fljótlegur og klikkar aldrei.

Rabbabari í bitum er settur í eldfast mót; u.þ.b. tvöfalt lag.

C.a. hálfur pakki af Ritz-kexi er mulið og saman við það 3 msk af púðursykri og því sáldrað yfir.

Brætt smjör, c.a. 30 g sett yfir. Einnig má nota matarolíu, c.a. 4 msk. Þarna verður fólk aðeins að þreyfa sig áfram.

Ofaná þetta er síðan dreift ristuðum sólblómafræjum

Þetta er síðan bakað við 180´ í c,a, hálfa klst.

Þessi baka er síðan borin fram með góðum vanilluís. Og slær í gagn!

Gamaldags rabbabaratriffle

Makkarónukökur muldar í ábætisglös og vættar með sherry eða púrtvíni ef til er

Ofaná þetta er settur slatti af rabbabarabitum sem hefur verið soðinn í sykurlegi í nokkrar mínútur. Þá kemur vanillubúðingur. Áður en hann er alveg kólnaður er stráð yfir ristuðum möndluflögum og síðan settur á deserinn rjómatoppur áður en hann er borinn fram.